Gw heran bet dah ame babe gw, setiap doi mau kawin lagi n ceraiin istri nyang doi dah bosen, doi malah dapet obyekan gede. Bukan sebaliknya, dapet objekan gede baru mao kawin lagi.
Gw pikir-pikir napah yak? koq begitu? Soalnye kalau dari sisi doi, doik bilang istri nyang kagak nurut bikin apes.
Ternyata bener, enak di die kagak enak di kite.
Begini logikanye, lo kan pada paham ye, kalau doa orang nyang terzolimi, pasti bakal dikabulkan. Iye kagak?
Jadi, istri-istri nyang dimadu, pan kagak enak ye, khan terzolimi ye...
Makanye babe gw makin tambah kaya aje.
Jadi doa istri-istri babe nyang lain nyang terzolimi, pastinye terzolimi, orang babe gw senengnye di rumah sini aje, bikin babe gw tambah kaya aje.
yah elo pasti nanya dah, kenapa babe senengnya di rumah sini aje. Nyokab gw seksi abis. Temen-temen gw aje pada bilang.
